1.
هادي واحد لمرى هرب ليها راجلها، مشات هي وبنتها لصغيرة ديكلاري عند البوليس. قالت ليهم أسيدي هرب لي الراجل، قالها البوليسي كيف داير آللا ؟
قالت ليه أسيدي راه طويل و زعر وعينيه خضرة وبوكوص..
قالت ليها بنتها الصغيرة هادك مهند أماما ماشي بابا..
قالت ليها سكتي المزغوبة بالاك ايجيبو لينا شي واحد بحالو
2
. واحد الراجل خارج من لوزين هو يتعرضلو واحد الشفار هلكو مزيان وخدالو الخلصا ديالو من بعد 15 يوم تم خارج الراجل عاوتاني من لوزين هو يتعرضلو داك الشفار يالاه بغا يخلي دار بوه . قالو الراجل حبس اخويا هاك هالخلصا ديالي بلا متضربني شد من عندو الشفار لفلوس وبقا عليه حتى صلخو عصى. قالو الراجل الله يا خويا عطيناك لفلوس وهلكتينا قالو انا ندي شي حاجة بعرق كتافي
3.
هادا واحد السكايري تايدخل لواحد البار تايبدا تايشرب وتايشوف فواحد السرباية خايبة فوجهها المهم السرباية شافتو مشات عند الشاف قالتلو انا عارفا راسي خايبة بغيت غير نعرف علاش هاد الراجل ديما تايشرب وتايشوف فيا او هوا يمشي لعندو قالو اخويا حنا عرفنا ديك السرباية راها خايبا ولكن علاش تاتبقى تشرب و تشوف فيها قاليه منين تاتبان ليا زيانت تانعرف راسي راني سكرت نيت باش نوض نمشي فحالي
4. هادا واحد مشات ختو تولد وشداتو الخلعة وتالف. سولوه: أشنو غادي يتزاد عندكوم؟ قال ليهم: إيوا هاد الساعة مازال ما عرفت واش غادي نولي خال أولا خالة
5.
هادا واحد مبوق سولوه: أشنو رأيك ف الزواج المبكر؟ قال ليهم المبوق: زعما أشمن ساعة بالضبط؟
6.
عشرة د المكلخين كيتعلموا الربطة ديال الكرافاتة. ستة ماتوا وربعة ف حالة حرجة
